మా తెలుగు తల్లికీ మల్లె పూదండ

మా తెలుగు తల్లికీ మల్లె పూదండ
మా కన్న తల్లికీ మంగళారతులు
కడుపులో బంగారు కనుచూపూలో కరుణ
చిరునవ్వులో సిరులు దొరలించు మా తల్లి
గల గలా గోదరి కదలి పోతుంటేను
బిరా బిరా కృష్ణమ్మ పరుగులిడుతుంటేను
బంగారు పంటలే పండుతాయి
మురిపాల ముత్యాలు దొరలుతాయి.

అమరావతీ నగర అపురూప శిల్పాలు
త్యాగయ్య గొంతులో తారాడు నాదాలు
తిక్కయ్య కలములో తియ్యందనాలు
నిత్యమై,నిఖిలమై నిలిచి ఉండేదాక
రుద్రమ్మ భుజశక్తి,మల్లమ్మ పతిభక్తి
తిమ్మరుసు ధీయుక్తి, కృష్ణరాయని కీర్తి
మాచెవుల రింగుమని మారుమ్రోగే దాక
నీ ఆటలే ఆడుతాం - నీపాటలే పాడుతాం
జై తెలుగు తల్లీ! జై తెలుగు తల్లీ!